യുഎഇ-യില്‍ 781 പുതിയ കൊവിഡ് കേസുകള്‍ കൂടി; കുവൈത്തില്‍ 8 പേര്‍ മരിച്ചു

by Dubai | 24-05-2020 | 1253 views

അബുദാബി: യുഎഇ-യില്‍ 781 പേര്‍ക്ക് കൂടി പുതുതായി കൊവിഡ് 19 സ്ഥിരീകരിച്ചു. ഒരു മരണം കൂടി റിപ്പോര്‍ട്ട് ചെയ്തു. 35,000 കൊവിഡ് പരിശോധനകളാണ് കഴിഞ്ഞ ദിവസങ്ങളില്‍ യുഎഇ-യില്‍ നടത്തിയത്. 29,485 പേര്‍ക്കാണ് രാജ്യത്ത് നിലവില്‍ കൊവിഡ് സ്ഥിരീകരിച്ചതെന്നും 15,056 പേര്‍ക്ക് രോഗം ഭേദമായെന്നും ആരോഗ്യ മന്ത്രാലയം അറിയിച്ചു. 245 പേരാണ് ഇതുവരെ കൊവിഡ് ബാധിച്ച് യുഎഇ-യില്‍ മരിച്ചത്.

അതേസമയം ഒമാനില്‍ ഇന്ന് 513 പേര്‍ക്ക് കൂടി കൊവിഡ് 19 സ്ഥിരീകരിച്ചു. ഇതില്‍ 179 സ്വദേശികളും 334 പേര്‍ വിദേശികളുമാണ്. ഇതോടെ രാജ്യത്ത് വൈറസ് ബാധിച്ചവരുടെ എണ്ണം 7,770 ലെത്തിയെന്നും 1,933 പേര്‍ സുഖം പ്രാപിച്ചുവെന്നും ഒമാന്‍ ആരോഗ്യ മന്ത്രാലയം ഇന്ന് പുറത്തിറക്കിയ വാര്‍ത്താ കുറിപ്പില്‍ പറയുന്നു. ഇതുവരെയും ഒമാനില്‍ കൊവിഡ് 19 വൈറസ് ബാധിച്ച് 36 പേരാണ് മരണപ്പെട്ടിട്ടുള്ളത്.

കുവൈത്തില്‍ കൊറോണ വൈറസ് രോഗത്തെ തുടര്‍ന്ന് 8 പേര്‍ കൂടി മരണമടഞ്ഞു. കൊറോണ വൈറസ് ബാധയെ തുടര്‍ന്ന് വിവിധ ആശുപത്രികളില്‍ ചികില്‍സയിലായിരുന്നു ഇവര്‍. ഇന്ന് കൊവിഡ് മരണം സ്ഥിരീകരിക്കപ്പെട്ടവര്‍ ഏത് രാജ്യക്കാരാണെന്ന് വ്യക്തമല്ല. രാജ്യത്ത് കൊറോണ വൈറസ്ബാധയെ തുടര്‍ന്ന് മരണമടഞ്ഞവരുടെ എണ്ണം ഇതോടെ 156 ആയി. 260 ഇന്ത്യക്കാര്‍ ഉള്‍പ്പെടെ 838 പേര്‍ക്കാണ് ഇന്നു രോഗബാധ സ്ഥിരീകരിച്ചിരിക്കുന്നത്. ഇന്നുവരെ 21302 പേര്‍ക്ക് കൊറോണ വൈറസ് ബാധ സ്ഥിരീകരിച്ചിട്ടുണ്ട്. ഇവരില്‍ 6,835 പേര്‍ ഇന്ത്യക്കാരാണ്. ഇന്ന് രോഗബാധ സ്ഥിരീകരിക്കപ്പെട്ടവര്‍ സമ്പര്‍ക്കം വഴിയും ഉറവിടം അന്വേഷണത്തിലുള്ള വിഭാഗത്തില്‍ പെട്ടവരുമാണ്.

ഇന്ന് രോഗബാധിതരായവരുടെ ആരോഗ്യമേഖല തിരിച്ചുള്ള കണക്കുകള്‍ ഇപ്രകാരമാണ്:

ഫര്‍വ്വാനിയ 355 അഹമദി 176, ഹവല്ലി 120 , കേപിറ്റല്‍ 91, ജഹറ 96.

രോഗബാധ സ്ഥിരീകരിക്കപ്പെട്ടവരുടെ താമസകേന്ദ്രങ്ങള്‍ അടിസ്ഥാനമാക്കിയുള്ള കണക്ക്:

ഫര്‍വ്വാനിയയില്‍ നിന്ന് 124 പേരും ജിലീബില്‍ നിന്ന് 77 പേര്‍ക്കും ഖൈത്താനില്‍ നിന്ന് 74 പേര്‍ക്കും ഹവല്ലിയില്‍ നിന്ന് 44 പേര്‍ക്കുമാണ് രോഗബാധ റിപോര്‍ട്ട് ചെയ്യപ്പെട്ടിരിക്കുന്നത്.

ഇന്ന് രോഗബാധ സ്ഥിരീകരിക്കപ്പെട്ട മറ്റു രാജ്യക്കാരുടെ എണ്ണം ഇപ്രകാരമാണ്:

സ്വദേശികള്‍ 134 ഈജിപ്ത്തുകാര്‍ 125, ബംഗ്ലാദേശികള്‍ 86. മറ്റുള്ളവര്‍ വിവിധ രാജ്യങ്ങളില്‍ നിന്നുള്ളവരാണ്. ഇന്ന് 370 പേരാണ് രോഗമുക്തി നേടിയത്. ഇതോടെ ആകെ രോഗം സുഖമായവരുടെ എണ്ണം 6,117 ആയി. ആകെ 15,029 പേരാണ് ഇപ്പോള്‍ ചികില്‍സയില്‍ കഴിയുന്നത്. ഇവരില്‍ 177 പേര്‍ തീവ്രപരിചരണ വിഭാഗത്തില്‍ കഴിയുന്നവരാണെന്ന് ആരോഗ്യമന്ത്രാലയം വക്താവ് അബ്ദുല്ല അല്‍ സനദ് വാര്‍ത്താസമ്മേളനത്തില്‍ അറിയിച്ചു.

Lets socialize : Share via Whatsapp