ജോലിയ്ക്കിടെ അപകടത്തില്‍ മരിച്ച പോലീസുകാരന്‍റെ മൃതദേഹം ഖബറടക്കി

by General | 17-11-2019 | 298 views

അല്‍-ഐന്‍: ഗതാഗത നിയന്ത്രണത്തിനിടെ അമിതവേഗത്തില്‍ വന്ന വാഹനമിടിച്ച് മരിച്ച പോലീസുകാരന്‍റെ ഖബറടക്കം നൂറുകണക്കിനാളുകളുടെ സാന്നിധ്യത്തില്‍ ഉമ്മുഗാഫ ഖബര്‍സ്ഥാനില്‍ നടന്നു. പോലീസ് ഉദ്യോഗസ്ഥരും ബന്ധുക്കളും അല്‍-ഐനിലെ ജനങ്ങളും ചടങ്ങുകളില്‍ പങ്കെടുത്തു.

പോലീസ് പട്രോളിങ് വിഭാഗത്തിലെ ഉദ്യോഗസ്ഥന്‍ അലി സായിദ് ഗര്‍ബാഷ് അല്‍സായിദിക്കാണ് നിരത്തില്‍ ദാരുണാന്ത്യമുണ്ടായത്. അല്‍-ഐന്‍ അല്‍ഹലാമി തുരങ്കപാതയോട് ചേര്‍ന്നുണ്ടായ വാഹനാപകട സ്ഥലം നിയന്ത്രിക്കവെയാണ് അലിയെ മറ്റൊരു വാഹനമിടിച്ചതെന്ന് പോലീസ് അറിയിച്ചു.

അല്‍-ഐനിലെ മസ്ജിദ് ശഹീദ് ഉമര്‍ അല്‍മിഖ്ബാലിയിലാണ് നമസ്കാരം നടന്നത്. അബുദാബി പോലീസ് സെന്‍ട്രല്‍ ഓപ്പറേഷന്‍ ഡയറക്ടര്‍ ബ്രിഗേഡിയര്‍ സുഹൈല്‍ അല്‍ഖുയയ്‌ലി, ഹെഡ്‌ക്വാര്‍ട്ടേഴ്‌സ് അഫയേഴ്‌സ് ഡയറക്ടര്‍ ബ്രിഗേഡിയര്‍ നാസിര്‍ അല്‍ യബ്ഹൂനി, പട്രോളിങ് ഡയറക്ടര്‍ ബ്രിഗേഡിയര്‍ സാലിംബറാക് അല്‍ദാഹിരി എന്നിവര്‍ മരണാനന്തരച്ചടങ്ങുകളില്‍ പങ്കെടുത്തു.

Lets socialize : Share via Whatsapp