ശരീരത്തില്‍ തുപ്പിയ ശേഷം പോക്കറ്റടി... മുന്നറിയിപ്പുമായി ഷാര്‍ജ പോലീസ്

by Sharjah | 19-09-2019 | 728 views

ഷാര്‍ജ: ദേഹത്ത് ബോധപൂര്‍വം തുപ്പിയ ശേഷം സഹായിക്കാനെന്ന വ്യാജേന പോക്കറ്റടിക്കുന്ന സംഘത്തെ കരുതിയിരിക്കണമെന്ന് ഷാര്‍ജ പോലീസ്. ഇതുമായി ബന്ധപ്പെട്ട ബോധവത്കരണ ദൃശ്യങ്ങള്‍ ഷാര്‍ജ പോലീസ് ട്വിറ്ററില്‍ പോസ്റ്റ് ചെയ്തു.

കാല്‍നട യാത്രക്കാരന്‍റെ വസ്ത്രത്തില്‍ ഒരാള്‍ തുപ്പുന്നത് കാണിക്കുന്ന ചിത്രവും അയാളുടെ കൂട്ടാളി കാല്‍നട യാത്രക്കാരന്‍റെ പോക്കറ്റടിക്കുന്ന ചിത്രവുമാണ് പോലീസ് പോസ്റ്റ് ചെയ്തിരിക്കുന്നത്.

ബാങ്കുകള്‍, എ.ടി.എമ്മുകള്‍ എന്നിവിടങ്ങളില്‍ നിന്ന്‌ പണം പിന്‍വലിച്ച്‌ ഇറങ്ങുന്നവരെയാണ് മോഷ്ടാക്കള്‍ കൂടുതല്‍ ശ്രദ്ധവെയ്ക്കുന്നത്. ഒരിടവേളയില്‍ ഇത്തരം മോഷ്ടാക്കള്‍ വ്യാപകമായിരുന്നെങ്കിലും കര്‍ശന നടപടികള്‍ മോഷണം കുറയാന്‍ സഹായിച്ചു.

Lets socialize : Share via Whatsapp