ദു​ബൈ​യി​ല്‍ നി​ന്ന്​ അ​ബുദാബി വി​മാ​ന​ത്താ​വ​ള​ത്തി​ലേ​ക്ക്​ ബ​സി​ല്‍ പോ​കാം

by General | 27-08-2019 | 231 views

ദു​ബൈ: അ​​ബുദാബി വി​മാ​ന​ത്താ​വ​ള​ത്തി​ലേ​ക്ക്​ ഇ​നി ദു​ബൈ​യി​ല്‍ നി​ന്ന്​ പോ​കാ​ന്‍ ടാ​ക്​​സി പി​ടി​ക്കേ​ണ്ട. പു​തു​താ​യി മു​സ​ഫ​യി​ലേ​ക്ക്​ ആ​രം​ഭി​ച്ച E102 ബ​സ്​ റൂ​ട്ടാ​ണ്​ അ​​ബുദാ​ബി വി​മാ​ന​ത്താ​വ​ള​ത്തി​ലേ​ക്ക്​ പോ​കു​ന്ന​വ​ര്‍​ക്ക്​ ഗു​ണ​ക​ര​മാ​വു​ന്ന​ത്. ഇ​ബ്​​നു ബ​ത്തൂ​ത്ത ബ​സ്​ സ്​​റ്റേ​ഷ​നി​ല്‍ നി​ന്നാ​രം​ഭി​ക്കു​ന്ന ബ​സ്​ അ​​ബുദാ​ബി വി​മാ​ന​ത്താ​വ​ള​ത്തിന്‍റെ ഒ​ന്ന്, മൂ​ന്ന്​ ടെ​ര്‍​മി​ന​ലു​ക​ള്‍​ക്ക​രി​കി​ല്‍ ബ​സി​ന്​ ​സ്​​റ്റോ​പ്പു​ണ്ട്. അ​ല്‍-ഐന്‍ യൂണി​വേ​ഴ്​​സി​റ്റി, അ​ല്‍ ന​ജ സ്​​കൂ​ള്‍, മു​സ​ഫ പാ​ര്‍​ക്ക്​ എ​ന്നി​വി​ട​ങ്ങ​ളി​ലൂ​ടെ നീ​ങ്ങു​ന്ന ബ​സ്​ മു​സ​ഫ ഷാ​ബി​യ ബ​സ്​ സ്​​റ്റേ​ഷ​നി​ലാ​ണ്​ സ​മാ​പി​ക്കു​ക.

ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി​യും അ​​ബുദാ​ബി ഗ​താ​ഗ​ത വ​കു​പ്പും ചേ​ര്‍​ന്ന്​ സാ​ധ്യ​മാ​ക്കി​യ പു​തി​യ റൂ​ട്ട്​ മു​സ​ഫ മേ​ഖ​ല​യി​ലെ കു​ടും​ബ​ങ്ങ​ള്‍​ക്ക്​ വ​ലി​യ അ​നു​ഗ്ര​ഹ​മാ​ണ്. ദു​ബൈ​യി​ല്‍ നി​ന്ന്​ മു​സ​ഫയ്​ക്ക്​ പോ​കാ​ന്‍ അ​ബുദാ​ബി ബ​സ്​ സ്​​റ്റേ​ഷ​നി​ലും മു​സ​ഫ​ക്കാ​ര്‍​ക്ക്​ ദു​ബൈ​യി​ലേ​ക്ക്​ ബ​സ്​ പി​ടി​ക്കാ​ന്‍ അ​​ബുദാ​ബി ബ​സ്​ സ്​​റ്റേ​ഷ​നി​ലും പോ​വു​ക എ​ന്ന ത​ല​ചു​റ്റി മൂ​ക്ക്​ പി​ടി​ക്കു​ന്ന മ​ട്ടി​ലെ പ്ര​യാ​സ​മാ​ണ്, പു​തി​യ ബ​സ്​ സ​ര്‍​വീ​സിന്‍റെ വ​ര​വോ​ടെ ഇ​ല്ലാ​താ​യ​ത്. മു​സ​ഫ​യ്ക്ക്​ വ​ണ്ടി പി​ടി​ക്കു​ക എ​ന്ന അ​ധി​ക​പ്പ​ണി ഇ​​നി ഒ​ഴി​വാ​കും.

കൂ​ടു​ത​ല്‍ മേ​ഖ​ല​ക​ളെ പൊ​തു​ഗ​താ​ഗ​ത ശൃം​ഖ​ല​യി​ല്‍ ഗു​ണ​ക​ര​മാ​യി ബ​ന്ധി​പ്പി​ക്കു​ക എ​ന്ന പ​ദ്ധ​തി​യു​ടെ ഭാ​ഗ​മാ​ണ്​ പു​തി​യ റൂട്ടെ​ന്ന്​ അ​ല്‍ മ​സ്​​റൂ​ഇ ഇ​ന്‍​റ​ഗ്രേ​റ്റ​ഡ്​ ട്രാ​ന്‍​സ്​​പോ​ര്‍​ട്ട്​ സെ​ന്‍റ​ര്‍ (ഐ.​ടി.​സി) പൊ​തു​ഗ​താ​ഗ​ത വി​ഭാ​ഗം ഡ​യ​റ​ക്​​ട​ര്‍ അ​തീ​ഖ്​ മു​ഹ​മ്മ​ദ്​ അ​ല്‍ മ​സ്​​റൂ​ഇ വ്യ​ക്​​ത​മാ​ക്കി. എ​ക്​​സ്​​പോ 2020-ന്​ ​മു​ന്നോ​ടി​യാ​യി രാ​ജ്യ​ത്തെ സു​പ്ര​ധാ​ന എ​മി​റേ​റ്റു​ക​ള്‍ ത​മ്മി​ല്‍ കൂ​ടു​ത​ല്‍ എ​ളു​പ്പ​ത്തി​ല്‍ ബ​ന്ധി​പ്പി​ക്കാ​ന്‍ പു​തി​യ ബ​സ്​ സ​ര്‍​വീ​സു​ക​ള്‍ സ​ഹാ​യ​ക​മാ​വും. നി​ല​വി​ല്‍ മ​ണി​ക്കൂ​ര്‍ ഇ​ട​വി​ട്ടാ​ണ്​ സ​ര്‍​വീ​സ്. യാ​ത്ര​ക്കാ​രു​ടെ തി​ര​ക്ക്​ വി​ല​യി​രു​ത്തി​യ ശേ​ഷം അ​ര മ​ണി​ക്കൂ​റി​ല്‍ ഒ​ന്ന്​ എ​ന്ന രീ​തി​യി​ലേ​ക്ക്​ സ​ര്‍​വീ​സ്​ വ്യാ​പി​പ്പി​ക്കാ​നും ആ​ലോ​ച​ന​യു​ണ്ട്. അ​​ബുദാബി വി​മാ​ന​ത്താ​വ​ള​ത്തി​ല്‍ നി​ന്ന്​ ഇ​ബ്​​നു ബ​ത്തൂ​ത്ത സ്​​റ്റേ​ഷ​നേ​യും എ​ക്​​സ്​​പോ വേ​ദി​യേ​യും ബ​ന്ധി​പ്പി​ക്കു​ന്ന റൂ​ട്ടും വ​രും.

Lets socialize : Share via Whatsapp